Armas d’ouro cun un castielho burmeilho, abierto i almiado a prata. La torre çantral ten anriba un creciente burmeilho apuntado al centro de l scudo. Crona mural de cinco torres de prata. Listel culs dezires “Cidade de Miranda do Douro” a negro.
L ouro ousado ne l campo ye l metal rico an haráldica i quier dezir felcidade, custáncia i poder. L castielho i l creciente son burmeilhos por ser la quelor de la bitória, las artimanhas i de la guerra. L castielho abierto i almiado a prata por bias de ser l metal que quier dezir houmildade i riqueza.