Passar para o Conteúdo Principal

A Autarquía

Caros Munícepes,
Falo cun bós, por esta página de l’anternete, para bos decir que queremos cumprir l nuosso ancargo de gobernar l cunceilho, cumo bós mos mandestes, cun muito trabalho, ampeinho fuorça i tamien cun cumpleta clareza. Scolhistes-mos para zambolber un porjeto de modernidade, mociço i sustentable, que puoda poner l cunceilho ne l camino cierto, ne l camino de l progresso. Por bias de saber que a diário nun podemos chegar a todos i por saber que nien todas las buossas priacupaçones, porblemas, palpites i oupeniones mos chégan, antandemos que este spácio debe tamien cumprir essa funçon i serbir cumo un beio de quemunicaçon antre eileitores i eileitos.

De la nuossa parte, aperponemos-mos, siempre, a mantener la páigina atualizada, usar este spácio para dar a conhecer las atebidades zambolbidas pula outarquie, para anformar ls munícepes subre las regras que regúlan l trabalho outárquico, subre ls projetos que zambolbemos, subre las ouportunidades d’amprego, formaçon i outras que báian aparecendo i que déban chegar al más grande númaro de pessonas possible.

Por acraditar que cun munícepes más anformados podemos cuntar cun más grande antandimiento i tamien cun más açon por parte de cada un, queremos que cada un de bós s’arrume a este camino q’ampeçamos a caras al zambolbimiento.
Stamois eiqui para servir l munecípio i cuntamos cula buossa ajuda.

Un abraço amigo

Artur Nunes

Partilhar